Gobierno Nacional

Tekoporã omoirü mitãnguéra ha isýpe, ojeguerekóva techapyrã Takuatïme

Publicado el: Lunes, MARZO 13, 2017

Programa Tekoporã Secretaría de Acción Social, (SAS)-gua, oguahë hembitotápe ohechakuaávo oipytyvõha sy ha imembykuérape omoañetéva iñe’ë me’ë temimbo’e jeho mbo’ehaópe ha ohekávo tesãi chupekuéra okakuaavo tesãi ha kyre’ÿme.

Upéicha  táva Takuatime oguahë Tekoporã oipytyvõvo ogayguápe oñemoakãrapu’ã haguã avei ombohováivo tekotevë ohechaukávo  hi’upyrã ndofaltái ñemba’apo rupive ogapype ikatuha avei oipytyvõ chupekuéraa ohechakuaávo jehepyme’ëvo mba’erepy osëva  kokue guive osë  tembi’u, ha upévare oime umi guía distrital oñepi’a’ãva ohesape’ávo chupekuéra ko’ã tembiapópe.
 
Péicha umi pytyvõhára SAS-pegua oñomongeta ha ombosako’i ko’ã ogayguakuérape omome’úva hembiapo omyakãva hogapýpe avei okarúha upévare, ha mba’e mba’épe oiporu pytyvõ ombovevúiva tekotevëmby hogapype.
 
Ko’ápe kuñakarai Mariana Mussi ha  Idelina Paéz omombe’u hembiasa hogapype, jepénte ijyva ndovaléi chupe.
 
Che Takuatïgua, che réra Mariana Mussi ou ayudomi Tekoporãmegua, aikégui  discapacidad arekóvagui, oguahë chéve cada dos meses doscientos sesenta mil guaraníes ha osë chéve ciento treinta mil guaraníes mensuales-pe discapacidad reheguáva ha péva ou porã che rogapýpe. Ko kuñakarai imbarete ha ndaipóri hese ñembyasy pukápe omombe’u umi mba’e ojapóva he’i jey: “Ajuhu Tekoporã tuicha ayudo oréve che comunidad-pe ha che aime avei pe lista oimehápe umi familia orekóva discapacidad ha aime  confirmada peteí Mesa de Participación Comunitaria , avei aháva hendapekuéra oï jave reunión, ko’ágã aha pokãvema ndikatúigui aguata porã, akyhyje ha’a mba’érõ , añeñangareko  ningo chejehe.
 
Omombe’u  ha’e; michïmi guive cuatro año orekóvo ohaveréha chupe paralisis ha oñandu atã pasmadura ha péva ndojokói chupe tembiapo ogapype. ndoiipotái avave oporiahuvereko hogagui namombyrýi oiko igentekuéra ha ijerére oiko tekove marangatu. He’i  jey: “Che rogapype roiko che ha chemembykuéra, nachemenái, apichichï ahávo ani haguã asaingo chegentekuéra oïva che jerére, chemandu’a chekuñataï guive añeha’ã amba’apo añeñandúgui capáz agueroguata che róga ha arakaeve noguahëi pe defectomi cheretépe arekóva nachemo’ate’ÿiri ha roiko tranquilo”.
 
Techapyrã jaguereko ko kuñakarai oikéva personas con discapacidad-pe ha omoañeteva’ekue ikuatiakuéra ha’e avei oime participante ramo  Peteï tembiasa romomba’eguasúva ha ome’ëva kerayvoty ñemoañete,a che almace’imi, cinco kilo acargáve ahavo  umi mba’erepy avende, añemantene haguã tranquila, avivi porã ningo ogaguýpe amba’apo adespacha chete voi.
 
Kuñakarai Idalina Paéz  omombe’u Tekoporã tuicha pytyvõ imbembykuérape
 
Tekoporãme, oñangareko ijehe ha imembykuéra mbohapy rehe, hi’upyrã ndofaltái hogapype, vacuna al día imembykuéra, ha mymbamimi ogapypegua omoñemuña.
 
Omombe’u péicha hembiasa: “Aime porã ikatúgui aiporu chéverõ guarã hekoitépe Tekoporã amondógui che membykuéra escuela-pe,  mbohapy chememby : Nayeli Tamara oime Octavo grado-pe 14 año oreko, Camila Monserrat Séptimo grado 12 año, José Mercedes  imitãve quinto grado-pe oho, ha’ekuéra oestudiase voi ha inota porã hikuái oikuaágui tuicha mba’e la jaestudia ha chepu’aka peve amboestudiáta, ha’e voi chupekuéra tuicha mba’e la estudio oikoporãvétaha oterminávo hikuái ha rohekáta taiprofesión avei hekovépe; ideprovechopaite la oúva chéve tekoporã guive, ha ovivi porã, okaru porã ha ndohói mbo’ehaópe py’akororõme jepénte ore mboriahu roñeha’ã pytyvõme, aikuaa compromiso arekóva SAS ndive, ha péicha ndaipóri inota’íva ha ore tranquilo ko’ã mba’épe.
 
Heta mba’e porã ome’ë oréve ha cheaño voi ha péva ayuda tuicha ha heta mba’e ocambia, mediante upéva heta mba’e ajogua che mebykuérape guarã ha heta ideprovecho oréve ha amba’apo ama de casa ramo avei heta tembiapo ojeguereko ikatu más adelante ajapo huerta ha aipotanten voi toestudia ha ha’ekuéra totermina porã ha oiko porãve hikuái.
 
Programa Tekoporã omoirü umi ogapy ojuaáva ha ojeehecha censo rupive tekotevëmby ha oñembohape oñemoakãrãpu’a haguã ijeheguiete hogapype ha itávape.