Gobierno Nacional

“María” ombojerovia ipyapyha, imbarete ha imborayhu

Publicado el: Martes, ABRIL 18, 2017

Heñóiva’ekue María de la Paz Duarte táva  Tomas Romero Pereira-pe, ha’e omotenonde hóga imena ha imembykuéra ndive. Ko’ãga oikéma avei Programa Tenonderãme, hekove pukukue heta oiko asy , jueja, ñembyasy, ñembohory, akãity péicha jahechakuaa heta oiko asýhague.

Jepénte péva nombotapykuéi chupe ha’e oñemoakãrapu’ã ha ndaha’éi osaingóva avavére, oñepi’a’ã ikatu haguã opu’ã jey tembiapo rupive hogapýpe.
 
Ha’e ohechakuaa  Tenonderã ome’ë chupe tembiapo omoakãrapu’ãva ko’ã mba’épe ha oipe’a chupe ovetã oñemotenonde porã haguã.
 
María oikokuri Ciudad del Este ha ityre’ÿ 13 ary ohupytývo ha oho Bella Vista  péva departamento Itapúa-pe, ikuñataï porã meve ombotývo  mayoría de edad. Ko táva guasúpe oikuaa Julián Luque ha oñomoirü ogapype ha imemby chugui peteï mitãmi heñóiva ha oreko Síndrome de Down, oikotevëva ñangareko porã jepénte imboriahu oñatende hese mborayhúpe. Upéicha oipytyvõ isuegra-pe ha avei upéicha hi’agui imemby oñangarekóvo.
 
María naikuãi ijakatúape ha péva  oreko tembiapo ikatúva ojapo ha oï ndikatúiva, upéicha ou mokõiha mitã ha dos mese ohupytývo  omano iména peteí accidente de tránsito-pe, opyta desamparada ha upéicha omosë chupe isuegra ha opyta tembiapo ÿre ha ndikatúi ohupyty porã hi’upyrã.
 
Ojehechakuaa María iviudaha ha ndikatúi osyryry porã tembiapo ogapýpe upévagui oho ohekávo jahechápa nopu’ãi jey Ciudad del Este gotyo ha  oñeme’ë chupe peteï empleo  Aeropuerto Guaraní, oalkíla una pieza que ni siquiera tenía piso, oke kochö reíme imemby ndive ha onaséma tesãime katu Yenifer Juliana peteï centro asistencial-pe.
 
María ha’e peteî reflejo de su lucha, imemby mokõi omombarete ichupe ha ipy’aguasu orekógui  sy ramo responsabilidad ha oheka oñemotenonde jey haguã oheka ituva’angápe ha ndikatúi oipytyvõ ichupe imboriahuetereígui avei.
 
Peteï árape oikua ikyvy oikóha Cerrito, departamento Ñe’ëmbukúpe ha omoguahë chupe pasaje ha oipytyvõ ohekávo tembiapo ogapýpe ha péicha oñemoirü jey Alberto Villalba, kuimba’e guapo ha pescador, oiko peteî  terreno fiscal ha omopu’ã peteï oga’imi  oiko haguã ha omongakuaa porã haguã imembymi.
 
Upéicha ojekuaa ha oike Programa Tekoporãme, upéicha oñepyrü oiko porãve ha oguahë ichupe  Transferencias Monetarias ha asistencia por discapacidad imemby kuimba’épe ha ou porã omo’ã haguã gastos básicos, ha  educación imembykuérape upéicha  ogueraha tasyópe chupekuéra.
 
Techapyrã ojeguereko  María-pe ha ikatúgui jepénte heta tukumbo ohupyty hekovépe opu’ã ha oñomoirü jey oiko porãve haguã. Secretaría de Acción Social, ome’ë chupe tuicha pytyvõ Programa, Tenonderã rupive ikatu haguã ha’e ijehegui opu’ã ha omba’apop pe ojapo kuaávape. Ary 2016 guvie, ko familia oñemoarandu  Programa Tenonderã guive umi Gestores de Negocios rupive oipytyvõva ichupe omboguata haguã peteï  Plan de vida y Perfil de negocios oñemoakãrapu’ã haguã hogaygua ndive proyecto oipotávape.
 
Capital Semilla ha peteî  crédito no reembolsable, oguahëva G. 2.400.000 ikerayvoty ningo peteî “despensa”, ikatu haguã ha’e voi omaneja, oadministra ha oñangareko imemby mokõi rehe. Oñepyrü  mercadería ojogua, mobiliario, estante, balanza electrónica ha  omyatyrõ upe tenda omopu’ãvo koty idespensarã.
 
Ko’ágã  María oreko ingreso diario iñemuháre, oikéva mba’erepýgui hembýva ojogua jey mba’erepy ha electrodoméstico oñongatu haguã umi producto perecedero ha osurti haguã umi mba’erepy oñeikotevëva ha péicha tuicha oipytyvõ okarúgui hese avei.
 
Tembiasa María ndorekói oñembotapykue haguã, omopu’ã hogapy ha’e ohupyty peteï destino iporãvéva ha ojepytaso heta oiko asy rire. 
Tetãme oime heta kuña ohasa asýva ha oikoreíva tape rehe ha’e osë pévagui , añetehápe heta oï  he’íva ndorekóiha oportunidad ha péicha umi apañuãigui osëva umi mba’e oñemoambuéva opu’ã haguã.
 
Tuicha tembiasa ohasa ha okë ojeipe’a ichupe ipehengue ha upéi umi oúva tekoporãme  omoañetévo educación, salud, alimentación segura, capacitación oguahëvo oportunidad Programa Social orekóva  Secretaría de Acción Social guive oikytïva pobreza extrema umi  oúvape guarã tetãme.